Замест дошкі Караткевіча — пуста: куды дзеліся памятныя таблічкі пісьменнікам
Мемарыяльная дошка пісьменніку Івану Навуменку на Карла Маркса, 36 / Еўрарадыё
На вуліцы Карла Маркса, 36 у Мінску да нядаўняга часу віселі мемарыяльныя дошкі памяці пісьменнікаў Янкі Маўра і Уладзіміра Караткевіча. Чытачы Еўрарадыё заўважылі, што цяпер там пуста.
Адразу на выхадзе з падземнага пераходу на метро "Купалаўская" знаходзілася мемарыяльная дошка ў гонар Янкі Маўра. Цяпер яна адсутнічае.
На фасадзе будынка паміж памятнымі таблічкамі Маўру і Караткевічу была яшчэ адна, прысвечаная беларускаму празаіку Івану Навуменку. Яе не знялі, але на ёй — брудны будаўнічы пакет.
Куды зніклі мемарыяльныя дошкі? У дыспетчарскай ЖЭУ Ленінскага раёна Еўрарадыё адказваюць, што прычына адсутнасці таблічак — капрамонт будынка:
— Там ідзе капрамонт дома, рамантуюць фасад. Таму часова ўсё знялі. У доме яшчэ не скончаны капрамонт, у сувязі з гэтым таблічак некаторы час не будзе.
Дом на Карла Маркса, 36 — "пісьменніцкі". Раней тут жылі Пятро Глебка, Янка Маўр, Іван Навуменка, Ніл Гілевіч, Уладзімір Караткевіч.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
