Замест "МакДональдс" у Беларусі будуць працаваць рэстараны "Вкусно — и точка"

Рэстараны "МакДональдс" у Беларусі пераймянуюць. Яны будуць працаваць пад расійскім брэндам "Вкусно — и точка". Пра гэта гаворыцца ў паведамленні, размешчаным у сацсетках кампаніі.

Рэбрэндынг правядуць"на працягу некалькіх тыдняў". Пры гэтым у кампаніі сцвярджаюць, што захаваюць усе працоўныя месцы, сэрвіс і разнастайнае меню, да якога прывыклі госці.

Нагадаем, пасля пачатку вайны "МакДональдс" заявіў аб сыходзе з Расеі і прадаў свой бізнэс. На яго месцы з'явіўся расійскі брэнд "Вкусно — и точка". У новых закусачных з меню знікла кола, яе замянілі расейскай газіроўкай.

У Беларусі амерыканскі брэнд працягваў сваю працу, хоць праз санкцыі апошнім часам таксама сталі ўзнікаць праблемы. Беларускі "МакДональдс", у прыватнасці, быў вымушаны адмовіцца ад шэрагу фірмовых прапаноў, у тым ліку МакСняданкаў.

Першы рэстаран "МакДональдс" адкрыўся ў Мінску ў снежні 1996 года. На адкрыццё прыйшло больш за 10 000 чалавек, у сувязі з чым прыйшлося часткова перакрыць праспект.