Затрыманых у Мінску пратэстоўцаў адпраўляюць пад адміністрацыйны арышт
Затрыманых у Мінску пратэстоўцаў адпраўляюць пад адміністрацыйны арышт. Удзельнікаў антываенных акцый 28 лютага ў судах караюць за "дробнае хуліганства", "непадпарадкаванне міліцыянерам" і "распаўсюд эстрэмісцкіх матэрыялаў", паведамляюць праваабаронцы. Яны маюць прозвішчы больш за 700 затрыманых. У МУС РБ паведамілі пра 800 чалавек, якіх затрымалі па ўсёй краіне ў нядзелю.
У судзе Заводскага раёна Мінска суддзя Анастасія Асіпчык асудзіла братоў Дзмітрыя і Сяргея Ястрабавых за "пікетаванне" на выбарчых участках. Яны нібыта "публічна выказвалі свае погляды супраць дзейнай улады", выкрыквалі лозунгі “Жыве Беларусь!“, “Слава Украіне!“ і “Не вайне!". Ястрабавы атрымалі 14 і 15 сутак арышту адпаведна.
Лекар Дзмітрый Маркелаў асуджаны на 14 сутак адміністрацыйнага арышту.
Суды працягваюцца.
