Землятрус у Марока: ужо вядома пра больш за 1000 ахвяр
Маракеш. Жанчына каля свайго зруйнаванага дому / AFP
Ужо вядома пра больш за 1000 ахвяр землятрусу ў Марока. Пра гэта паведаміла тэлебачанне каралеўства.
Колькасць параненых таксама перавышае 1000. Працы па разбору завалаў і пошуку зніклых без вестак працягваюцца.
Беларускі МЗС пакуль не паведамляў, ці пацярпелі падчас землятрусу беларусы, якія знаходзяцца ў гэтай краіне.
Магутны землятрус магнітудай 7,2 балы адбыўся ў Марока ў ноч на суботу. Зруйнаваныя сотні будынкаў, у тым ліку тыя, што ўваходзілі ў спіс сусветнай спадчыны UNESCO.
