115-гадовая іспанка стала найстарэйшай жыхаркай Еўропы
115-гадовая іспанка стала найстарэйшай жыхаркай Еўропы. Ана Вела нарадзілася 29 кастрычніка 1901 года ў іспанскім горадзе Кардова. Яе стан здароўя ацэньваецца як “крохкі”. 89-гадовая дачка кажа, што яе маці любіць мяса, рыбу і гародніну, падчас ежы выпівае палову бакала паўсалодкага віна, але не больш, інфармуе El Pais.
Яшчэ нядаўна найстарэйшай жыхаркай нашага кантынента была 117-гадовая Эма Марана. Яна памерла ў суботу ў Італіі.
