20 студзеня Еўрапарламент прыме рэзалюцыю па Беларусі

А 20 студзеня прагаласуюць па ўзгодненым тэксце рэзалюцыі, сведчыць расклад плянарнай сесіі Еўрапарламента, якая пройдзе 17-20 студзеня ў Страсбуры (Францыя).

"Еўрадэпутаты абмяркуюць сфальсіфікаваныя снежанскія выбары ў Беларусі, пасля якіх дэманстрантаў атакавала міліцыя, а апазіцыйныя лідары былі зняволеныя ў турму. Еўрадэпутаты прагаласуюць, якія санкцыі ЕС мусіць увесці супраць прэзідэнта Лукашэнкі і іншых чыноўнікаў", гаворыцца на сайце Еўрапарламента.

Чакаецца, што 19 студзеня падчас дэбатаў па Беларусі адмысловую заяву зробіць Віцэ-прэзідэнт Еўракамісіі/Высокі прадстаўнік ЕС па замежнай палітыцы Кэтрын Эштан (Catherine Ashton).

Апрача таго, нявыключана, што пытанні па Беларусі будуць адрасаваныя старшыні Еўракамісіі Жазэ-Мануэлю Барозу (José Manuel Barroso) 18 студзеня падчас гадзінавай працэдуры адказаў чыноўніка на пытанні еўрапарламентарыяў.

Чакаецца, што на гэты раз тэкст рэзалюцыі па Беларусі будзе асабліва жорсткі. Як паведаміў Еўрарадыё старшыня Дэлегацыі Еўрапарламента па адносінах з Беларуссю Яцэк Пратасевіч (Jacek Protasiewicz) 11 студзеня, яго б задаволіў тэкст рэзалюцыі, які б уключыў тры важныя рэчы. Гэта аднаўленне замарожаных санкцый у дачыненні да беларускіх чыноўнікаў, аблягчэнне ўезду ў ЕС беларускім грамадзянам і замарозка ўдзелу Беларусі ва Ўсходнім Партнёрстве.

Таксама чытай і слухай:

"Замарозіць удзел ва Усходнім партнёрстве і аблегчыць уезд беларусаў у ЕС"
На слуханнях па Беларусі еўрадэпутаты апранулі бел-чырвона-белыя шалікі
Герт Арэнс назваў галоўныя памылкі апазіцыі і згадаў анекдот Статкевіча