Аляксандр Лукашэнка сёння едзе ў "Мандарын" (фота)
У чацвер, 12 лістапада, Аляксандр Лукашэнка наведае новы шматфункцыянальны фізкультурна-аздараўленчы комплекс "Мандарын", які нядаўна з'явіўся ў Завадскім раёне Мінска. БЕЛТА адзначае, што ён будаваўся на даручэнне кіраўніка дзяржавы са студзеня 2013-га за бюджэтныя грошы. Лукашэнку распавядуць пра развіццё комплексу фізкультурна-аздараўленчых паслуг для жыхароў сталіцы. Ён азнаёміцца з магчымасцямі "Мандарына".
Агульная плошча фізкультурна-аздараўленчага комплексу складае 9,5 тысячы квадратных метраў. На першым паверсе знаходзіцца аквазона з двума басейнамі, там жа комплекс лазняў, рэстаран хуткага харчавання. На другім паверсе — спартыўныя залы, трэнажорны зал — адзін з найбольшых у сталіцы.
Фота: БЕЛТА
