Анатоль Буяльскі зноў узначаліць жаночую баскетбольную зборную
На пасадзе галоўнага трэнера ён заменіць Рымантаса Грыгаса.
Прыход Буяльскага на пасаду галоўнага трэнера стане ўжо трэцім па ліку, адзначае "Прессбол". Агулам 55-гадовы настаўнік узначальваў беларускую дружыну 13 гадоў — з 1994-га па 1998-ы, а таксама з 2002-га па 2011-ы.
Рашэнне наконт замены Грыгаса на Буяльскага прыняў выканкам федэрацыі баскетбола. Сам ён таксама пагадзіўся з прызначэннем.
Бліжэйшым часам новы трэнер правядзе перамовы са старшынёй федэрацыі Максімам Рыжанковым і падпіша кантракт.
Фота — БелаПАН
