БАТЭ выйграў у "Партызані" і выйшаў у наступны раўнд адбору Лігі чэмпіёнаў

БАТЭ выйграў у албанскага "Партызані" (2:0) і прайшоў далей у адборы футбольнай Лігі чэмпіёнаў. Матч у адказ першага раўнда прайшоў на нейтральным полі ў Венгрыі. Першы гол на 73-й хвіліне забіў Уладзіслаў Малькевіч, а на 112-й (суддзя дадаў так шмат хвілін да асноўнага часу) пераможную кропку паставіў Аляксандр Шасцюк, які выйшаў на замену. У Албаніі была нічыя 1:1.

У наступным раўндзе БАТЭ згуляе з "Арысам" з Кіпра, які трэніруе беларускі спецыяліст Аляксей Шпілеўскі. Матчы прызначаны на 26 ліпеня і 1 жніўня. За "Арыс" выступае былы гулец БАТЭ Арцём Шуманскі.