Беларускія баскетбалісткі выйшлі ў плэй-оф чэмпіянату свету (відэа)
У матчы з камандай Кубы ўвечары 28 верасня зборная нашай краіны выйграла з лікам 70:69.
Перад гэтым каманда пад кіраўніцтвам Рымантаса Грыгаса абыграла зборную Карэі з лікам 70:64.
Чэмпіянат свету па баскетболе сярод жаночых камандаў праходзіць у гэтыя дні ў Турцыі.
У заключным матчы групавога этапу зборнай Беларусі трэба будзе правесці матч з камандай Аўстраліі. Гэты будзе паядынак за першае месца ў групе С. Пераможца гэтага паядынку атрымае пуцёўку адразу ў чвэрцьфінал. Камандзе, якая прайграе, трэба будзе правесці яшчэ адну сустрэчу на стадыі 1/8 фіналу.
Фота — fiba.com
