Беларускую федэрацыю футбола аштрафуюць за фаеры на "Барысаў-Арэне"
Беларускую федэрацыю футбола аштрафуюць за запаленыя фаеры на "Барысаў-Арэне" падчас нядаўняга матчу футбольных зборных Беларусі і Францыі (0:0). Дакладная сума штрафу будзе вызначана рашэннем дысцыплінарных органаў FIFA.
Як вядома, фаеры запалілі ў канцы другога тайма ў сектары фанатаў В12. Як інфармуе "Прессбол", у БФФ штраф называюць "недзіцячым", і што "гэтых грошай магло б хапіць на правядзенне вучэбна-трэніровачнага збору адной з юнацкіх або жаночых каманд".
