Boeing падрыхтаваў новы самалёт для “Белавіа” (фота)
Яго фотаздымак з’явіўся на сайце авіаспоттэраў – аматараў авіяцыі.
На фота самалёт Boeing 737-800. Гэта будзе першы такі лайнер у парку нацыянальнай авіякампаніі. Boeing 737-800 змяшчае больш за 180 пасажыраў. Што на 30-50 чалавек больш, чым Boeing 737-300 і Boeing 737-500, якія зараз выкарыстоўвае “Белавіа”.
Тры новых Boeing 737-800 “Белавіа” атрымае ў 2016 годзе. У кампаніі не выключаюць, што яны будуць пафарбаваныя ў новыя ліўрэі (афарбоўкі).
