Больш за паўмільён тон збожжа экспартавалі з Украіны за месяц
Усяго з-за вайны ва Украіне захрасла 20 млн тон пшаніцы і іншых збожжавых / pixabay
Больш за 500 тыс. тон пшаніцы, кукурузы і сланечнікавага алею экспартавалі з Украіна за месяц з моманту, калі была знята блакада з марскіх партоў, піша ВBС са спасылкай на дадзеныя ААН.
Тым не менш, Украіна ўсё яшчэ экспартуе ў два разы менш зерня, чым да вайны.
З пачатку вайны ва Украіне ў лютым, у партах захрасла каля 20 млн тон збожжа, прызначанага на экспарт. Немагчымасць экспарту пшаніцы, кукурузы, сланечнікавага алею справакаваў дэфіцыт прадуктаў харчавання і ўзрост цэн у шмат якіх краінах свету.
Бяспечны калідор праз Чорнае мора з'явіўся 22 ліпеня. З моманту з'яўлення дамоўленасці пра калідор сусветныя цэны на прадукты харчавання пайшлі на спад.
