Большасць уцекачоў засталіся ў лагеры ля мяжы
Мігранты ў старым лагеры / БЕЛТА
Каля 1,2 тысячы бежанцаў засталіся ў аўторак у стыхійным лагеры ля беларуска-польскай мяжы, паведамляе РІА Навіны.
Пры гэтым 850 бежанцаў вырашылі начаваць у лагістычным цэнтры, дзе для іх арганізавана аказанне меддапамогі, дадае агенцтва. Па апошніх дадзеных БЕЛТА, у цэнтры размясціліся 873 бежанцы, у іх ліку 135 дзяцей.
Як паведамляла Еўрарадыё, вечарам у аўторак частка бежанцаў адправілася з пераходу "Брузгі-Кузніца" ў транспартна-лагістычны цэнтр блізу мяжы для засялення. У цэнтры нарыхтавана больш за дзве тысячы спальных камплектаў, мігранты таксама будуць атрымліваць тут гарачае харчаванне і гуманітарную дапамогу.
