Большасць жыхароў ЕС падтрымліваюць Украіну
Большасць жыхароў ЕС падтрымліваюць Украіну. Пра гэта сведчаць вынікі даследавання грамадскай думкі Eurobarometer, праведзенага летам 2022-га.
92% апытаных падтрымліваюць аказанне гуманітарнай дапамогі Украіне, 90% — наданне прытулку ўкраінцам, якія сталі ўцекачамі з-за вайны, 78% рэспандэнтаў ухваляюць персанальныя санкцыі супраць чыноўнікаў і бізнесменаў РФ.
68% апытаных падтрымліваюць ваенную дапамогу Украіне за кошт бюджэту ЕС. 57% задаволеныя тым, як Еўрасаюз адрэагаваў на агрэсію Расіі супраць Украіны, 55% апытаных ухваляюць рэакцыю на гэта ўрадаў сваіх краінаў.
