Да выбараў 4 месяцы – перасварыцца ці аб’яднаецца апазіцыя за гэты час?
Цэнтрвыбаркам прапанаваў правесці чарговыя выбары дэпутатаў Палаты прадстаўнікоў 17 лістапада 2019 года. Скараціўшы такім чынам тэрмін паўнамоцтваў парламентарыяў цяперашняга склікання на год. Але сёння ў кулуарах дэмакратычнай супольнасці абмяркоўваецца іншае: афіцыйна дата выбараў да гэтага часу не названая і выбары не прызначаныя. Ці не азначае гэта, што парламенцкія выбары перанясуць на іншы тэрмін.
Ці ёсць падставы меркаваць, што выбары дэпутатаў Палаты прадстаўнікоў будуць прызначаныя не на лістапад, а на іншы, пазнейшы час? Якія для гэтага могуць быць падставы? Ці ёсць у апазіцыі дастакова рэсурсаў, каб эфектыўна паўдзельнічаць у гэтай выбарчай кампаніі? Ці здолеюць дэмакраты аб’яднацца напярэдадні выбараў або толькі яшчэ больш перасварацца? На гэтыя ды іншыя пытанні ў жывым эфіры Еўрарадыё адказваюць дэпутат Палаты прадстаўнікоў, сябра Аб’яднанай грамадзянскай партыі Ганна Канапацкая і лідар кампаніі “Гавары праўду” Андрэй Дзмітрыеў.
