Дыпламат наведаў беларусак у турме Шры-Ланкі
Беларускі, якія знаходзяцца ў зняволенні ў Шры-Ланцы / india.mfa.gov.by
Андрэй Ржэвускі, пасол Беларусі ў Індыі, а па сумяшчальніцтве — у Бангладэш, Шры-Ланцы і Непале, наведаў жаночую турму Welikada Female Prison у Шры-Ланцы, піша india.mfa.gov.by. Ён там сустрэўся з двума беларускамі, паразмаўляў з імі "па пытаннях іх знаходжання ў пенітэнцыярнай установе". Дыпламат перадаў ім "рэчы першай неабходнасці". Таксама Ржэвускі меў размову з кіраўніцтвам турмы.
Пры якіх абставінах беларускі трапілі за краты, за што адбываюць пакаранне, не ўдакладняецца.
