Дыстанцыйную форму адукацыі ў беларускіх ВНУ ўвядуць у 2023 годзе
Дыстанцыйную форму адукацыі ў беларускіх ВНУ ўвядуць у 2023 годзе. Пра гэта ў інтэрв'ю "Народнай газеце" заявіў начальнік Галоўнага ўпраўлення прафесійнай адукацыі Мінадукацыі Сяргей Каспяровіч. Ён спадзяецца, што да таго часу будзе вырашаны "шэраг тэхнічных пытанняў". А калі іх не ўдасца вырашыць?
Каспяровіч кажа, што дыстанцыйная форма адукацыі будзе актыўна развівацца ў сферы дадатковай адукацыі дарослых, па асобных спецыяльнасцях вышэйшай адукацыі і кропкава ва ўстановах сярэдняй спецыяльнай адукацыі. "Што датычыць школы, то тут катэгарычнае не", — заявіў чыноўнік.
