Дзяржсакратар ЗША: нашы думкі з блізкімі Шушкевіча і народам Беларусі
Дзяржсакратар ЗША Энтані Блінкен адрэагаваў на смерць першага кіраўніка незалежнай Рэспублікі Беларусь Станіслава Шушкевіча. Ён напісаў у Twitter, што ў Вашынгтоне "з жалем" успрынялі гэтую вестку з Мінска. Шушкевіч "прывёў Беларусь да незалежнасці", адзначае Блінкен. "Нашы думкі з яго блізкімі і народам Беларусі, які працягвае барацьбу за дэмакратычную, квітнеючую і мірную краіну", — дадае дзяржсакрар ЗША.
Станіслаў Шушкевіч памёр у ноч з 3 на 4 траўня на 88-м годзе жыцця. Развітанне з ім пройдзе ў суботу ў Архікафедральным касцёле ў Мінску.
Шушкевіч у 1991-1994 гадах быў кіраўніком беларускага парламента. У снежні 1991-га ён падпісаў Белавежскія пагадненні, якія пахавалі Савецкі Саюз і адкрылі шлях да незалежнасці былых савецкіх рэспублік.
We are saddened to note the passing of Stanislau Shushkevich, who led Belarus to independence. Our thoughts are with his loved ones and the people of Belarus, who carry on the struggle for a democratic, prosperous, and peaceful #FreeBelarus. https://t.co/1XPx1SdASK
— Secretary Antony Blinken (@SecBlinken) May 4, 2022
