Эксперты: амаль усе сферы жыцця ў Беларусі — у крытычным стане

"Унутраная палітыка знаходзіцца практычна ў стадыі калапсу, сферы правапарадку і знешняй палітыкі — у крытычным стане... Далей інфармацыйная сфера: сітуацыя ў ёй крыху лепшая, чым у палітычнай, але яна таксама знаходзіцца ў стане крызісу", — пералічыў Коршунаў.

У найлепшым стане з усіх сфер знаходзіцца соцыум, хоць таксама ў негатыўным.

"Але тут вельмі вялікая разбежнасць па канкрэтных напрамках: самая складаная сітуацыя атрымліваецца ў рамках узаемаадносін дзяржавы і грамадства, эксперты ацанілі становішча як крытычнае. А ў станоўчым напрамку (адзіным па ўсіх) ацанілі дыяспару", — адзначыў даследчык.

Даследчыца Леся Руднік растлумачыла, як праводзілася даследаванне: гэта было не сацыялагічнае апытанне, а праца з чатырма дзясяткамі экспертаў.

"Наша мэта была апытаць як мага больш экспертаў. Мы прапаноўвалі паўдзельнічаць усім, хто больш-менш праявіў публічна свае кампетэнцыі ў той ці іншай сферы", — дадала яна.

Частка экспертаў папрасілі не называць іх імёнаў. З тых, хто не выказаўся за ананімнасць, Руднік пералічыла эканамістаў Кацярыну Барнукову і Паўла Данейку, палітолагаў Арцёма Шрайбмана і Андрэя Казакевіча, медыяэксперта Паўлюка Быкоўскага.

Паглядзець "ацэнкі" розных сфер у Беларусі і даведацца больш падрабязна пра канцэпцыю рэзіліентнасці можна тут.