ЕС плануе адмяніць пагадненні аб спрашчэнні візавага рэжыму з Расіяй
![Што тычыцца Беларусі, то кансэнсусу пакуль няма](/sites/default/files/styles/gallery_main/public/2023-08/1557066369_0_39_3000_1727_1920x0_80_0_0_bf7099ff2f6f1b9e7624e23e2dce5042.jpg.webp?itok=kQTdi1dk)
Што тычыцца Беларусі, то кансэнсусу пакуль няма
Кіраўнікі МЗС краін Еўрасаюза плануюць падтрымаць прыпыненне дзеяння пагаднення аб спрашчэнні візавага рэжыму з Расіяй. Пра гэта піша Financial Times, спасылаючыся на словы трох чыноўнікаў ЕС.
У выпадку прыпынення пагаднення расіянам спатрэбіцца больш дакументаў для атрымання віз, заяўкі будуць разглядацца даўжэй, а консульскі збор павялічыцца да 80 еўра. Што тычыцца Беларусі, то кансэнсусу пакуль няма. Гэтае пытанне абмяркуюць у рамках сустрэчы Рады ЕС 30-31 жніўня ў Празе.
Раней Чэхія заявіла пра намер прапанаваць краінам Еўрасаюза поўнасцю адмяніць спрошчаны парадак выдачы шэнгенскіх віз грамадзянам Расіі і Беларусі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.