Еўрапарламент заклікаў суд у Гаазе выдаць ордэр на арышт Лукашэнкі

Еўрапарламент заклікаў Міжнародны крымінальны суд у Гаазе выдаць ордэр на арышт Аляксандра Лукашэнкі. Яго прызналі датычным да вайны супраць Украіны, якую вядзе Расія. Пра гэта гаворыцца ў рэзалюцыі, прынятай 13 верасня. У ёй пералічваюцца злачынствы "нелегітымнага рэжыму Лукашэнкі", у тым ліку і рэпрэсіі супраць уласнага народу.

Яшчэ ў ліпені ў Еўрапарламенце заклікалі Міжнародны крымінальны суд у Гаазе выдаць ордэр на арышт Аляксандра Лукашэнкі. Дэпутаты заявілі, што Беларусь нясе адказнасць за шкоду, прычыненую Украіне ў сувязі з вайной, і злачынствы, учыненыя ва Украіне, у тым ліку праз ролю рэжыму Лукашэнкі ў незаконным вывазе ўкраінскіх дзяцей.

У Еўрапарламенце заклапочаныя ўсебаковым падпарадкаваннем Беларусі Маскве.