Гуськова: Трэнер абяцаў мне свой заплечнік за медаль
![Гуськова: Трэнер абяцаў мне свой заплечнік за медаль](/sites/default/files/styles/gallery_main/public/2023-08/huskova-1602.jpg.webp?itok=EoO10ode)
Фрыстайлістка Ганна Гуськова назвала свае сённяшнія скачкі цудоўнымі. Алімпійская медалістка падзялілася сваімі ўражаннямі ад выступу, перадае БЕЛТА.
"Скачкі сёння атрымаліся цудоўныя, я проста адстаранілася ад усяго таго, што адбываецца. Мікалай Іванавіч абяцаў мне свой заплечнік за медаль, а за залатую ўзнагароду — не ведаю, як ён будзе разлічвацца", — жартам распавяла спартоўка пра свайго трэнера Мікалая Казеку.
Гуськова першая сярод беларускай каманды заваявала медаль на Алімпіядзе. Прычым яна адразу прынесла ў алімпійскую скарбонку золата.
У суботу, 17 лютага, пройдзе кваліфікацыя ў мужчын-фрыстайлістаў, а 18 лютага вызначаццца мацнейшыя сярод іх.
![Гуськова: Трэнер абяцаў мне свой заплечнік за медаль](/sites/default/files/paragraphs/image/huskova-1602-2.jpg)
Ганна Гуськова і Мікалай Казека. Фота: БЕЛТА