Качанава выказалася пра "справядлівае і сувымернае" пакаранне за наркотыкі

Сёлета ў Адміністрацыю паступіла больш за 120 зваротаў на тэму наркотыкаў. У кастрычніку Наталля Качанава сустракалася з групай актывістак грамадскай ініцыятывы "Маці 328" (з маці, асуджаных за незаконны абарот наркотыкаў). Як вядома, яны выступаюць за лібералізацыю гэтага артыкула Крымінальнага кодэкса. Качанава тады заявіла, што неабходна агрэсіўная прафілактыка адносна ўжывання наркотыкаў. На нядаўняй нарадзе Аляксандр Лукашэнка наступным чынам выказаўся пра "Маці 328": "Ім трэба параіць своечасова займацца сваімі дзецьмі. А потым галасіць, стагнаць і выстаўляць прэтэнзіі ўладзе".

Наталля Качанава падкрэсліла, што ў самыя кароткія тэрміны кіраўнік дзяржавы чакае на разгляд прапановы па барацьбе з распаўсюдам наркотыкаў і па прафілактыцы, якой мусяць заняцца адразу некалькі ведамстваў (Мінадукацыі, Міністэрства аховы здароўя).

"Часам бацькі думаюць, што калі дзіця добра вучыцца, перамагае ў алімпіядах, то праблем быць не можа, — гаворыць кіраўніца Адміністрацыі прэзідэнта. — Але часам яны з'яўляюцца. Так што насцярожанасць павінна быць у тым ліку і ў бацькоў".