Каля Оршы размініравалі чыгуначны мост, выбухоўку заклалі яшчэ ў вайну
![Каля Оршы размініравалі чыгуначны мост, выбухоўку заклалі яшчэ ў вайну](/sites/default/files/styles/gallery_main/public/2023-08/000024_53a6d5db1cd4bfaa432582c600650f40_251180.jpg.webp?itok=cpf88_Qb)
У Аршанскім раёне размініравалі чыгуначны мост (на 89-м кіламетры перагону Орша — Чэрвіна). Як інфармуе БЕЛТА, выбухоўку маглі закласці савецкія байцы яшчэ ў Другую сусветную вайну. На выпадак, калі будзе неабходнасць яго ўзарваць (але свае планы з нейкай прычыны не рэалізавалі). На тратылавыя шашкі натрапілі падчас рамонтна-будаўнічых працаў на мосце, калі рабочыя знялі рэйкі. На месца выклікалі сапёраў, якія знайшлі 54 тратылавыя шашкі. Іх вывезлі ў бяспечнае месца і знішчылі.
![Каля Оршы размініравалі чыгуначны мост, выбухоўку заклалі яшчэ ў вайну](/sites/default/files/paragraphs/image/0000241531247473309935big.jpg)
Фота: в/ч 5524