Казахстан можа забараніць жыхарам Блізкага Усходу авіятранзіт у Беларусь

Казахстан можа ўвесці часовую забарону для грамадзян краін Блізкага Усходу на транзіт праз сваю тэрыторыю авіятранспартам у Беларусь, паведамляе Sputnik Казахстан са спасылкай на Міністэрства індустрыі і інфраструктурнага развіцця краіны.

У цяперашні час міністэрства прапрацоўвае гэтае пытанне разам з зацікаўленымі дзяржорганамі.

У сераду, 17 лістапада, падобную часовую забарону ўвёў Узбекістан. Забарона дзейнічае на авіятранзіт для грамадзян Афганістана, Ірака, Емена, Лівана, Лівіі і Сірыі ў Беларусь.

Як паведамляла Еўрарадыё, у чацвер эвакуацыйны самалёт даставіць 430 іракскіх мігрантаў на радзіму з Беларусі. Бясплатны авіярэйс для вывазу іракцаў здзейсніцца па маршруце Мінск – Эрбіль – Багдад.