"Хацеў бы там паваяваць" — Пазняк пра Украіну
Зянон Пазняк прамаўляе на Дзень Волі ў Варшаве / Еўрарадыё
Зянон Пазняк працягвае дзяліцца сваімі ўражаннямі ад паездкі ў Бахмут у студзені і сустрэчы там з беларускімі добраахвотнікамі з палка Каліноўскага.
"У мяне нават думка была, калі б мне скінуць гадкоў 30-40, то таксама хацеў бы там паваяваць разам з імі, — кажа палітык у інтэрв'ю Радыё Свабода. — За Беларусь і загінуць можна, не шкада".
Пазняк са шкадаваннем гаворыць, што каліноўцы "аўтамат не далі". "Каб далі, то я б з задавальненнем пастраляў, каб было па кім", — дадаў палітык.
Зянону Пазняку 78 гадоў. З 1996-га ён жыве за мяжой, кіруе Кансерватыўна-хрысціянскай партыяй БНФ і рухам "Вольная Беларусь".
