Хочаце дапамагчы свайму ментальнаму здароўю? Паслухайце птушак!

Адной з прычын, акрамя згаданай вышэй унутранай асацыяцыі з прыродай, з'яўляецца і новы "гукавы ландшафт". Пастаянны гук дарожнага шуму пагаршае змрочны настрой, а спевы птушак дазваляюць пераключаць увагу і ўносіць разнастайнасць.

Дарэчы, у 2019-м выходзіла даследаванне, у якім меркавалася, што гукі прыроды паляпшаюць пазнавальныя здольнасці. Прасцей кажучы, тыя, хто ў горадзе мэтанакіравана слухае гукі прыроды (у гэтым выпадку — ветру, дажджу і цвыркуноў), запаміналі новую інфармацыю і кемілі лепш.

Галоўныя парады, як атрымліваць максімальную карысць ад гукаў прыроды: рабіць гэта свядома (знаходзіцца ў моманце і фіксаваць свой стан), рэгулярна і быць ўцягнутымі.

Як адрозніваць птушак?

Ёсць прыкладанні, якія дапамагаюць вызначаць расліны, жывёл і птушак — напрыклад, Seek, а для птушак — асобны Bird ID.

Можна і проста цікавіцца: разглядаць малюнкі і запамінаць, слухаць запісы спеваў і фіксаваць, хто як спявае. Напрыклад, у інстаграме Еўрарадыё выходзіла падборка з запісамі спеваў самых распаўсюджаных у Беларусі птушак, іх выявамі і, вядома, назвамі.