Кіраўнік СК пракаментаваў магчымую выдачу Пратасевіча ў "ЛНР"
Беларусь не атрымлівала афіцыйных запытаў з іншых дзяржаваў наконт Рамана Пратасевіча. Пра гэта заявіў на брыфінгу 14 чэрвеня старшыня Следчага камітэта Дзмітрый Гара.
Так ён пракаментаваў пытанне пра магчымую выдачу Пратасевіча ў так званую "ЛНР" і допыт яго следчымі з гэтага ўтварэння.
Па словах Гары, усе следчыя дзеянні з Пратасевічам на міжнародным узроўні рэгулююцца адпаведнымі міжнароднымі дамовамі, заключанымі Рэспублікай Беларусь.
