Крэмль паабяцаў прызнаць вынікі ўкраінскіх выбараў
Масква прызнае вынікі выбараў у Вярхоўную раду Украіны. Пра гэта заявіў кіраўнік адміністрацыі прэзідэнта Расіі Сяргей Іваноў.
Пазачарговыя выбары ва ўкраінскі парламент адбудуцца ў бліжэйшую нядзелю, 26 кастрычніка. Пры гэтым у некаторых раёнах Луганскай і Данецкай абласцей, якія знаходзяцца пад кантролем баевікоў, выбары ў парламент не адбудуцца.
Сяргей Іваноў заявіў, што расійскае кіраўніцтва хоча, каб Украіна была не варожай Расіі дзяржавай. "Прызнаем, не турбуйцеся", — перадае РБК словы Іванова пра ўкраінскія выбары.
Фота — ria.ru
