“Культурная сядзіба” #17: Грунвальдская бітва ці Вялікая Айчынная вайна?
15 ліпеня — гадавіна Грунвальдскай бітвы. Гэта дзень славы беларускай зброі — дзень, калі нашы продкі абаранілі краіну ад магутнага ворага з Захаду.
Калі б не перамога пад Грунвальдам, мы б сёння жылі ў Нямеччыне, а на “Славянскім базары” спяваў бы не Валерый Лявонцьеў, а гурт Rammstein. Пазнаяце рыторыку? Але гадавіну Грунвальдскай бітвы ў Беларусі на афіцыйным узроўні ніяк не адзначаюць. У адрозненне ад гадавіны вызвалення Мінска ад фашыстаў.
Чаму так? Абмяркоўваем гэта з арганізатарам фэсту “Наш Грунвальд” Аляксандрам Ракам. Як звычайна, у падкасце — культурныя навіны і афіша падзей на тыдзень.
