Латвія будзе ўмацоўваць мяжу з Беларуссю і Расіяй
Эдгарс Рынкевічс
Латвія ў 2024 годзе плануе ўмацоўваць мяжу з Беларуссю і Расіяй. Гэта прадугледжвае ў тым ліку ўмацаванне вайсковай інфраструктуры. Пра гэта прэзідэнт краіны Эдгарс Рынкевічс заявіў у эфіры LTV, піша Delfi.
Умацаванне ўсходняй мяжы ён назваў адным з прыярытэтаў для краіны. Рынкевічс дадаў, што агароджа не абароніць ад сур'ёзнай ваеннай небяспекі, таму неабходна ўзмацняць вайсковую інфраструктуру.
"Плот прызначаны для прадухілення гібрыднай пагрозы", — падкрэсліў прэзідэнт Латвіі. Як вядома, формай гібрыднай вайны заходнія палітыкі назвалі міграцыйны крызіс, створаны ўладамі Беларусі на межах з краінамі ЕС.
Таксама Рынкевічс заклікаў сёлета працаваць над укараненнем сістэмы грамадзянскай абароны.
Даўжыня латвійска-беларускай мяжы складае 172 кіламетры.
