Літва пачала будаваць ваенную базу побач з беларускай мяжой
Будоўля на месцы новай базы / Яніс Лайзанс / REUTERS
Літва пачала будаўніцтва вайсковай базы за 20 кіламетраў ад мяжы з Беларуссю. Тут напрыканцы 2027 года плануецца размясціць да 4 тысяч нямецкіх вайскоўцаў, піша Reuters. Тут таксама абсталююць тэрыторыю для захоўвання і тэхнічнага абслугоўвання танкаў і іншай тэхнікі і стрэльбішча.
Яшчэ каля тысячы нямецкіх вайскоўцаў і цывільных падрадчыкаў размесцяць на іншых аб'ектах у Літве.
"Гэта будзе служыць сродкам заспакаення нашага насельніцтва — а таксама сродкам стрымлівання расіян", — кажа міністр абароны Германіі Борыс Пісторыус.
Цягам наступных трох гадоў Літва выдаткуе больш за 1 млрд еўра на развіццё базы. Гэта стане адным з найбуйнейшых будаўнічых праектаў у яе гісторыі. Пакуль што кантракты заключылі толькі на будаўніцтва пятай часткі комплексу.
