Лойка: перавод 50 рублёў знаёмаму ў СІЗА трактавалі як "фінансаванне тэрарызму"
Наста Лойка / facebook.com
Праваабаронца Наста Лойка распавяла ў Facebook, як паштовы перавод 50 рублёў знаёмаму ў СІЗА трактавалі як "фінансаванне тэрарызму". На пошце касірка ўводзіла ў сістэму імя атрымальніка электроннага пераводу і з'явілася пазнака, што чалавек у нейкім спісе (у пераліку асобаў, якія маюць дачыненне да "тэрарыстычнай дзейнасці" — спіс вядзе КДБ). У выніку электронны перавод не прынялі, бланк не вярнулі і тлумачэнняў не далі. Папрасілі пашпарт Лойкі, і ён "патрапіў на фінансавы кантроль за спробу фінансавання тэрарыстычнай дзейнасці".
Высветлілася, што грашовыя пераводы для згаданага зняволенага не прымаюць і ў яго маці. Атрымліваецца, што асобы са спісу абмежаваныя ў праве на іх атрыманне.
