Лукашэнка прызначыў новага міністра транспарту
![Лукашэнка прызначыў новага міністра транспарту](/sites/default/files/styles/gallery_main/public/2023-08/000022_461236_big.jpg.webp?itok=s-DT7ke7)
Аляксандр Лукашэнка прызначыў новага міністра транспарту і камунікацый. Ім стаў 41-гадовы Аляксей Аўраменка, які дагэтуль працаваў у міністэрстве на пасадзе першага намесніка, інфармуе БЕЛТА.
Аўраменка — ураджэнец Мінска. Ён скончыў Беларускую дзяржаўную палітэхнічную акадэмію, Акадэмію кіравання пры прэзідэнце. У Міністэрства транспарту і камунікацый перайшоў у 2013-м з апарату Саўміна. Першым намеснікам міністра стаў ў 2016 годзе.
Папярэдні міністр транспарту Анатоль Сівак у лістападзе 2018 года ачоліў Мінгарвыканкам. Яму было ў той час 56 гадоў. Новы міністр значна маладзейшы за яго.