Лукашэнка ўхваліў праект пра экспарт нафтапрадуктаў праз расійскія парты

Расія шмат гадоў спрабавала вырашыць пытанне з пераарыентацыяй экспарту беларускіх нафтапрадуктаў з літоўскай Клайпеды ў парты Усць-Лугі. Але Лукашэнка не пагаджаўся, тлумачыў сваю пазіцыю высокімі выдаткамі праекту для беларускага боку. Усё змянілася пасля прэзідэнцкіх выбараў жніўня 2020 года і ўвядзення ЕС і Літвой у прыватнасці санкцый супраць афіцыйнага Мінска. Аляксандр Лукашэнка паабяцаў меры ў адказ (на відэа) Напрыклад, даручыў ураду пераарыентаваць усе гандлёвыя патокі з партоў Літвы ў іншыя, пачаліся працяглыя перамовы.

Сцвярджаецца, што праект прадугледжвае перапраўку больш за 9,8 млн тон грузаў беларускіх прадпрыемстваў (мазут, бензін і г. д.) праз расійскія парты на Балтыцы ў 2021-2023 гадах. Дзеянне пагаднення разлічана да канца 2023 года.

Можна меркаваць, што частка экспарту беларускіх нафтапрадуктаў праз краіны Балтыі можа застацца.