Лукашэнка збіраецца ў Арменію
Армянскія СМІ паведамляюць, што 12 траўня беларускі лідар наведае гэту краіну з афіцыйным візітам.
Паводле News.am, Аляксандр Лукашэнка прылятае ў Ерэван з даволі прадстаўнічай дэлегацыяй, у складзе якой міністры і іншыя афіцыйныя асобы, а таксама прадстаўнікі бізнесу. У Ерэване кіраўнік Беларусі правядзе перамовы з прэзідэнтам Арменіі Сержам Саргасянам.
Афіцыйныя СМІ пра візіт Лукашэнка нічога не паведамляюць.
