Лукашэнку не хапае кітайскіх рабочых
Рабочыя ў Пекіне / AFP via Getty Images
19 чэрвеня Аляксандр Лукашэнка сустракаўся са старшынёй Федэрацыі прафсаюзаў Беларусі Юрыем Сянько. Гаворка ішла ў тым ліку і пра недахоп працоўных рэсурсаў у краіне. Таму не дзіўна, што Лукашэнка даручыў увесці "дадатковыя матэрыяльныя стымулы" для пенсіянераў, якія працуюць.
Сянько — былы пасол РБ у КНР. Таму Лукашэнка і загаварыў пра яго "кітайскі вопыт", паабяцаў выкарыстоўваць у якасці "эксперта".
"І вы бачылі, як працуюць кітайцы, — гаварыў Аляксандр Лукашэнка. — Вядома, нашы не працуюць так і працаваць, напэўна, не будуць. Але калі б мы блізка былі да працы і аб'ёмаў, якія выконваюць кітайскія рабочыя, я думаю, мы б у некалькі разоў багацейшыя былі".
