Макей сустрэўся з часовай паверанай у справах ЗША ў Беларусі (фотафакт)
29 жніўня міністр замежных спраў Беларусі Уладзімір Макей сустрэўся з часовай паверанай у справах ЗША ў нашай краіны Джэніфер Мур. Яна была прызначана на гэтую пасаду ў жніўні 2018 года, а раней працавала ў Дзярждэпартаменце Злучаных Штатаў (у 2016-2018 гадах часовым павераным у справах ЗША ў Беларусі быў Роберт Райлі). Пачатак дыпламатычнай місіі спадарыні Мур і стаў нагодай для сустрэчы.
Як інфармуе прэс-служба МЗС Беларусі, Макей і часовая павераная у справах ЗША "абмеркавалі актуальны стан і перспектывы развіцця беларуска-амерыканскіх дачыненняў".
