Машына ўдарылася ў апору моста ў Дзяржынскім раёне. Кіроўца загінуў
Аварыя на трасе Р-1 / Telegram
У Дзяржынскім раёне машына на вялікай хуткасці ўдарылася ў апору моста і загарэлася. Кіроўца загінуў.
ДТЗ адбылося ў 7:30 6 кастрычніка 2024 года. 39-гадовы мінчук, кіруючы аўтамабілем "Мэрсэдэс", на 25-м кіламетры аўтадарогі Р-1, рухаючыся ў напрамку Мінска, з'ехаў на правую абочыну і ўдарыўся ў апору пуцеправода. Аўтамабіль загарэўся, кіроўца ад атрыманых траўмаў памёр на месцы авары.
Дазволеная хуткасць для легкавых аўтамабіляў на гэтым участку трасы — 120 км/г.
