Мбапэ перайшоў у мадрыдскі "Рэал"
Кіліян Мбапэ / realmadrid.com
Кіліян Мбапэ перайшоў у мадрыдскі "Рэал". Кантракт з французскім футбалістам разлічаны да 2029 года. Пра гэта паведамляе афіцыйны сайт іспанскага клуба.
25-гадовы Мбапэ далучыцца да "Рэала" ў якасці свабоднага агента. З 2017-га ён выступаў за ПСЖ. За гэты час стаў найлепшым бамбардзірам у гісторыі клуба: у 307 матчах форвард забіў 256 галоў.
Кіліян Мбапэ — гулец зборнай Францыі. У яе складзе ў 2018-м ён стаў чэмпіёнам свету, а ў 2022-м — віцэ-чэмпіёнам.
#WelcomeMbappé pic.twitter.com/kAhxdEjnLA
— Real Madrid C.F. (@realmadrid) June 3, 2024
