Мікалая Статкевіча асудзілі на 15 сутак
![Мікалая Статкевіча асудзілі на 15 сутак](/sites/default/files/styles/gallery_main/public/2023-08/statkevic-0904.jpg.webp?itok=qU4JcG5u)
Суд Цэнтральнага раёна Мінска асудзіў Мікалая Статкевіча на 15 сутак арышту за заклік да ўдзелу ў несанкцыянаваным масавым мерапрыемстве.
Як распавядала Еўрарадыё, палітык заклікаў 7 красавіка выйсці да Свята-Духава сабора ў Мінску і правесці там малебен за вяртанне крыжоў у Курапаты. Статкевіча затрымалі, калі ён выйшаў з дома, каб ісці на акцыю.
На малебен у цэнтры Мінска 7 красавіка прыйшло каля 150 чалавек.
Паводле інфармацыі праваабарончага сайта "Вясна", па гэтым жа абвінавачанні 13 сутак асуджаны ў Маскоўскім раённым судзе Максім Вінярскі. Яму прысудзілі 13 сутак арышту.