Міліцыя не дазволіла ў Мінску прабежку пад савецкім сцягам (відэа)
4 траўня ў сталіцы адбылася перадсвяточная прабежка ў гонар Дня Перамогі.
Арганізатарамі выступілі грамадскае аб'яднанне "Румол", ініцыятыўная група "Мяняю сябе! Мяняю свет!", "Славянскія прабежкі" і Workout Community Belarus.
Каля 40 чалавек прабеглі ад парка Горкага да стэлы "Мінск — горад-герой". Як піша nn.by, спачатку ўдзельнікі спрабавалі ўзняць яшчэ і савецкі сцяг. Але пасля кароткай размовы з міліцыянтамі яны пакінулі толькі афіцыйны беларускі.
