Міліцыя вядзе праверку з-за жорсткага збіцця немаўляці ў Салігорску
Пасля таго, як жанчына выпусціла з рук дзіця, яна некалькі разоў моцна яго б'е / скрыншот відэа autorun.by
Міліцыя зладзіла праверку па інцыдэнту са збіццём паўгадовага дзіцяці ў Салігорску, паведамляе УУС Мінаблвыканкама.
Пакуль удалося высветліць, што 32-гадовая маці пакінула немаўля з 64-гадовай пенсіянеркай, таму што павінна была легчы ў бальніцу са старэйшым дзіцём.
— Раніцай 16 верасня ў двары дома пенсіянерка ўжыла гвалт да малога. Гэты момант трапіў на запіс камеры вонкавага відэаназірання. Жанчына была аператыўна ўстаноўленая міліцыяй, дзіця агледзелі лекары — яго жыццю нічога не пагражае, — распавядаюць ва УУС.
Напярэдадні ў сеціве разышоўся відэазапіс, на якім жанчына выпускае з рук немаўля, а затым некалькі разоў б'е і кідае яго ў калыску.
