Мінчук, кватэру якога разграміў АМАП, выйграў суд у міліцыі

Інцыдэнт з Дзмітрыем Серадой адбыўся 4 жніўня 2016 года. Зранку ў яго кватэру ўварваўся АМАП, выбіўшы выбіўшы ўваходныя дзверы і дзверы на гаўбцы. Мужчыну на вачах у жонкі і малой дачкі паклалі тварам на падлогу, начапілі кайданкі і павезлі ў пастарунак, працягваючы збіваць у машыне. 

Сераду падазравалі, што ён эксгібіцыяніст. Аднак ужо ў дзень затрымання выявілася, што затрымалі яго дарэмна: у дзень злачынства мужчына знаходзіўся за 80 км ад Мінска. 

Тры гады Серада дамагаецца крымінальнай справы супраць міліцыі за перавышэнне паўнамоцтваў пры яго затрыманні. Мужчына атрымаў сем адмоваў. І толькі пасля нарады ў Лукашэнкі 20 жніўня, які абураўся неапраўдана жорсткімі затрыманнямі, Следчы камітэт зноў пачаў праверку па справе Серады.