МУС паказала, як выглядае новае СІЗА №1 пад Мінскам

Стала вядома, як выглядае СІЗА №1 пад Мінскам. Яго пабудавалі і ўжо адкрылі ў вёсцы Пашкавічы Мінскага раёна.

На адкрыццё аб'екта прыехаў міністр унутраных спраў Іван Кубракоў. Ён падарыў установе на адкрыццё сэртыфікат на тэлевізар.

Акрамя рэжымнага корпуса ў комплекс уваходзіць рэспубліканскі шпіталь для зняволеных, адміністрацыйны корпус, спартова-культурны цэнтр, фермерскі корпус, інтэрнат для супрацоўнікаў.

Пішчалаўскі замак на вуліцы Валадарскай у Мінску, адкуль перасялілі СІЗА №1, аддалі гораду. Мяркуецца, што ў будынку зробяць рэстаўрацыю.