МЗС Беларусі заявіла пра парушэнне мяжы польскім паветраным суднам
МЗС Беларусі
У МЗС Беларусі 3 лістапада выклікалі часовага паверанага ў справах Польшчы Марціна Вайцяхоўскага. Беларускае замежнапалітычнае ведамства заявіла яму рашучы пратэст у сувязі з тым, што 2 лістапада польскае паветранае судна парушыла дзяржаўную мяжу Беларусі.
МЗС Беларусі патрабуе расследаваць гэты інцыдэнт і не дапускаць нядбайнага стаўлення да палётаў у памежнай зоне.
Пры гэтым ні Памежны камітэт, ні Мінабароны Беларусі не паведамлялі пра факт парушэння паветранай прасторы.
