На МКАД загінуў 32-гадовы кіроўца Mercedes

На 37-м кіламетры МКАД загінуў 32-гадовы кіроўца Mercedes. Легкавік наляцеў на аўтамабіль "Газель", які стаяў у першай паласе руху з уключанай аварыйнай светлавой сігналізацыяй (машына, якой кіраваў 21-гадовы вадзіцель, зламалася). Як паведамляе мінская ДАІ, трагічнае здарэнне адбылося ў сераду ў 19:30. Mercedes ехаў па знешнім коле МКАД з боку вуліцы Цеміразева ў накірунку вуліцы Прытыцкага. Ад атрыманых траўмаў кіроўца легкавіка памёр на месцы аварыі.