На мяжу з Украінай прыбыў чарговы расійскі гуманітарны канвой
Пра гэта паведаміў намеснік начальніка Нацыянальнага цэнтра кіравання ў крызісных сітуацыях МНС Расіі.
Па яго словах, якія перадае РБК, цяпер ідзе мытнае афармленне грузаў. Калона падзялілася на дзве часткі: адна накіруецца ў Данецк, другая — у Луганск. На мытным даглядзе прысутнічаюць мытнікі і памежнікі Украіны, а таксама прадстаўнікі місіі АБСЕ.
Гэта ўжо шосты гуманітарны канвой з Расіі. Паведамляецца, што 20 аўтамабіляў перавозяць больш за 100 т медыкаментаў і паліва.
Ілюстрацыйнае фота — ria.ru
