На пажары ў Бабруйску загінула пенсіянерка і 18 яе катоў
![Пажар у Бабруйску](/sites/default/files/styles/gallery_main/public/2023-11/pazar-2911-1.jpg.webp?itok=Zn-1xvSx)
Пажар у Бабруйску / МНС Беларусі
На пажары ў Бабруйску загінула жанчына і 18 яе катоў, паведамляе прэс-служба МНС.
Трагічнае здарэнне адбылося 28 лістапада. Каля 18-й гадзіны ратавальнікам паведамілі пра пажар у кватэры на восьмым паверсе дома па праспекце Будаўнікоў.
Калі супрацоўнікі МНС прыбылі на месца выкліку, яны пабачылі шчыльны дым з кватэры. 86-гадовую гаспадыню яны знайшлі ў пярэднім пакоі — верагодна, яна спрабавала выйсці. Жанчыну вынеслі і спрабавалі рэанімаваць з дапамогай прыбылых медыкаў. На жаль, выратаваць яе не ўдалося.
У кватэры ў бабруйчанкі пражывалі таксама 22 каты. Выратаваць удалося толькі чатырох жывёл, астатнія загінулі.
Прычына пажару высвятляецца.
![На пажары ў Бабруйску загінула пенсіянерка і 18 яе катоў](/sites/default/files/styles/default_image_paragraph/public/paragraphs/image/pazar-2911-2.jpg.webp?itok=umUnYTNY)
![На пажары ў Бабруйску загінула пенсіянерка і 18 яе катоў](/sites/default/files/styles/default_image_paragraph/public/paragraphs/image/pazar-2911-3.jpg.webp?itok=wIHakl5J)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.